UHUNMWUN 33
A GHA WU, ARIE
A khare wẹ, ei mwẹn a ma wu kevbe wẹ, a ma khuọnmwin,
ai wu. Ọmwan nọ khuọnmwin kpẹ, ọ ma fe, tọ gha wu rhun-
mwunda, uwu ọ ghi sik' ọre sẹ.
A gha wu a rie,
Uwu ma rẹn ọgie;
A gha wu a rie,
Ẹko ma-rẹn oya;
A gha wu a rie,
Emianmwẹn ma-rẹn egbe nọ riẹe.
A gha wu a rie,
Ogiuwu ọ gb' ọmwan rie ase;
A gha wu a rie,
Ẹdẹ uwu i họn ẹbo;
A gha wu a rie,
Ẹdẹ uwu iro fo.
Sọkpan, ta nerhunmwun na wu uwu ọmwanta n' iyeke ghe
khọ ọmwan n' iyeke ọmwan vbe gha ma vberiọ. I yayi gh' imẹ
gha wu uwu ọmwanta vb' ẹtin Osanobua. Vb' igiẹmwin, vbe
February 1949, nọwanrẹn E.F. Akpata ke ghi khamamwẹn wẹ,
'rẹn r' imina vb' asọn ọkpa a ke ghi rhie irẹn y' uko n' urho
erinmwin ọfumwegbe n' irẹn gha viọ emwan-esi nihuarẹn la
owa: n' emwan-dan ghẹ la owa. Ọ wẹ, vb' ọwarọkpa ni i ke
gha de ni do la owa sokpan, 'rẹn na gha y' obọ damwẹn yi ni ghe
la owa. Ọ wẹ, iran ni r' ariọba erinmwin ni hia ghi deghẹre iran
na tu kankankan wẹ: Ghẹ dae-yi, ghẹ dae-yi. Giẹe la owa; usun
emwan kpataki vbe ne Jacob Egharevba ye, ọre a ho nọ la owa.
88
Ọ wẹ k'ederiọ gha de, t' irẹn ghi ghemwẹn vb' ọmwan nọhu-
anrẹn. N' Osa gele giẹe gha ye riọ--isẹ.
Ọgiuwu n' ukọ ẹmwanta, ẹi gh' ọmwan aro hiehie. Vbe nọ
tie ogie, erio o tie ọkhaẹmwẹn; vbe nọ tie ọdafẹn, eriọ ọ tie
ivbiogue, vbe nọ tie ikpia, eriọ ọ tie ikhuo, vbe nọ tie ediọn, eriọ
ọ tie ibiẹ.
Banban-na nia, ti ghi khẹ ẹghẹ k' ẹghẹ kevbe wẹ, i gha rẹre
kie nuẹn vbu gha s' obọ vb' urho do rhiemwẹn gha rie ariọba
erinmwin ọfunmwegbe ni vbe na tae ya. Ogiuwoun' uko emwa-
nta nọ r' ọse emwan n' okieke, ọ khin ẹghẹ ni o.
89
