UHUNMWUN 27
UHUAMWẸN
Uhuamwẹn oghe Ugbugbehia ọna khin
Ọkere na gha huan gbugbẹhia, na ghẹ gbinruẹn hiehie. Na
gha khuẹ, na gha biẹn ihin-ẹn obọ kevbe ọghe owẹ n' azigan
ghẹ lẹre yọ gha fian ọmwan re. Ibiba na gha họ ukpọn hun-an
ẹsẹsẹ na gha bọnmwẹn egbe-kẹn, na gha khiẹn ukpo ra okpo
ebẹdi kevbe na gha dọlọ ukohunmwun yi ẹsẹsẹmwẹnse kevbe
na gha kp' otọwa na siẹn gbugbehia. Na gha kpẹ emirebo kevbe
ekuye hia ẹsẹsẹ na gha kpakọn kevbe na gha soghunu. Rhunm-
wunda, owa Osanobua ọre egbe khin; a gha dọlegbe kevbe
ukpo yi ẹsẹsẹmwẹnse, a ghi gha vbie mina ẹse, Osanobua ghi
vbe gba gie avbe Angeli bu ima re do gha gu ima guan vb'
iriovbe, gu ima vbegha guan ẹse gbugbehia. A ghi gha wan
yọ, a ghi gha renmwin yọ, a ghi gha rhanro yọ, a ghi vbe gha
khian gh' odaro yọ vbe emwin hia kevbe odẹkodẹ n' ima rhirhi
laihia.
Ukpọn gha ghiruẹn gbe iru ghi larọ gha rie ọmwan vb' uwu
egbe. Ẹghẹ ni erhọn nugbadazẹ hia nọ khọrhiọn s' ofi ghi re,
o ghi mu eghe rhiara vbe n' akpakpa lalọ ọmwan egbe.
Rhunmwund' ọni, gha khue, gha họ ukpọn nu gha huan, nu
gha mose, n' emiamwẹn rọkpa ghẹ la rue egbe rhunmwunda,
emianmwẹn ọre ikọ egbe kevbe orhiọn.
Ayae bu ere wẹ, ọvbokhan gha kp' obo re hun-an, ọ ghi gu
nọwanrẹn rie evbare ra, emwin vb' ọkpan ọkpani. Iruẹn i ina,
ohọhọ i ma hiehie. Uhuamwẹn ọ ma sẹ vb' emwin hia.
K'Ọvbokhan gha de ọre i ke ru emwin uhuamwẹn, ibiba
ẹghẹ ni na y' esuku vbe Ibadan. I ghi gha khuẹ ẹsẹsẹ gbugbehia
i ke gha rie esuku. I ghi vbe kp' obọ i ke rie evbare kevbe vbi
gha rie evbare fo.
74
