UHUNMWUN 26
ADAZẸ
EMWIN eso kpataki rọ ina ya rẹn adazẹ. Emwin ni ọre uyinmwẹn
esi, uyinmwẹn nekhuẹrhẹ kevbe emwanta na ta gbugbẹhia.
Ọmwan nẹi vbọra nọ ma guọghọe ọkpa; ọmwan nọ fure
khuẹrhẹ, ọmwan ọghọ kevbe ọmwan nọ gban-egbe n' emwin-
dan na ru hia a tiẹre adazẹ.
Nọ gban-egbe n' oyi na rha, nọ gban-egbe n' ohoghe ina ta,
nọ gban-egbe n' orhure, nọ gbun-egbe n' oghẹ, nọ gban-egbe
n' ọkhọ na ru, nọ gban-egbe n' oregbe, n' ọtakhọ na ta, n' igbovo,
n' ikhuiwu, n' ighiku, n' ayọn adagbegbe, n' esa, n' ọpakharha
ihan, n' olighi, n' ohu-dun na mu, izohu, n' ozan kevbe nọ
gban-egbe n' isọte, se hia, ọmwan nọ rhie egbe ẹre y' omwan
emwin na ru hia ọre a tiẹre adazẹ. Eire nọ mwẹn ẹkpigho nibun,
ẹire nọ mwẹn esin ra imọto, ra ose ra ukpọn hiehie sokpan, nọ
rẹn negbe.
Adazẹ ovbiogue ma s' ogie nọ r' ẹketẹ nọ ma rẹn negbe.
Rhunmwund' ọni, ọ keri n' ima gha ru emwin adazẹ gbugbẹhia:
adazẹ i y' egbe ru emwin ọya. Ọmwan nọ ru emwin esi hia ọre
a tiẹre adazẹ ra, adaz' ọmwan.
Ovbiọmwan esi na bie ẹse ọre a vbe tiẹre adazẹ. Ọre a na yae
bu ere wẹ: Ọmwan i r' egbe, ekhọe ọmwan ye. K' ẹghẹ ọvbokhan
mwẹn ghade i ke gha ru emwin adazẹ, adaz'ọmwan; ọre emwan
hia rẹn mwẹn yi.
73
