UHUNMWUN 25
OWA ESUKU
EGHE 'nẹdẹ gbaan, Esọsi a na te y' esuku Emisiọn (Mission).
Ekẹn a ya b' esọsi ni na y' esuku vb' Ibadan ke 1899 do se 1900.
A ke ghi ye "Cement block" dọlọe bọ okieke yae khin esọsi
nọkhua na ghi tiẹre 'St James's Cathedral na. Ekẹn a ya bọ esọsi
(St David's) ni na y' esuku vb' Akurẹ vbe 1912. A ke vbe ye
'cement block' bọe vb' okieke yae khin esọsi nọkhua. Vbe 1901
do se 1902, ekẹn a vbe ya bọ esọsi ni na y' esuku vbe St Matthew
vb' ore Ẹdo ke 1915, do se ufomwẹn 1916. A ke weriegbe guọ-
ghọe y' ekẹn bọe ya khin nọ kpọlọ vbe 1919 do se 1910. Vbe
1960, a ke vbe ye 'cement block' bọe yae khin nọkhua na ghi
tiẹre St Matthew's Cathedral na.
Sokpan, ke 1930 gha de ọre a ke gha bọ esuku y' ehe ughun-
ghanhia vb' esuku Emisiọn hia ni re Nigeria. Vb' ẹghẹ 'nẹdẹ,
ni 'College' i re ehe rọkpa vbe Nigeria sokpẹn St Andrew's
Training College Ọyọ kevbe ọ ka deba Kings College vb' Ẹko.
University i rọ hiehie ọ te do se 1947 na mu University ọghe
Ibadan gbọ.
Ta vbe 'College' kevbe 'University' ghi gbae ehe hia vbe
Nigeria nia. Vb' ẹghẹ ni, erha kevbe iyemọ ni sẹtin rhie ivbi-ran
ye College irọ Sokpan iran ghi sẹtin rhie ivbi-ran ye 'University'
nia.
Owẹ a ya khian y' ehe hia vbe Nigeria ẹghẹ ni, ikẹkẹ kpai-
kpai a miẹn, imọto i rọ hiehie. Eban nia, ikẹkẹ kevbe imọto
ghi bun vbe d'ọmwan-d' ẹvbo vbe Nigeria; 'Railway' (Train)
sehia ok'ẹhoho. Vbe 1909 gha de i ke gha hin ikẹkẹ. Koko i na
suẹn gha la ok'ẹrhẹn vbe 1910. 1915 i ke suẹn gha la imọto; 1918
vbe Port Harcourt ike suẹn gha la Railway (Train); Vbe July
1948 i ke vbe suẹn gha la ok'ẹhoho gha y' ehe hia vbe Nigeria.
71
Rhunmwund' ọni, ekpọnmwẹn kevbe urhomwẹn nọ n'
Osanobua rhunmwund' alaghodaro nọkhua na miẹn vbe Nigeria
n' ẹvbo-mwẹn. I ye vbe nerhunmwun n' alaghodaro ni gha
khian rhin-rin-rin edẹdẹ. Isẹ.
72
