UHUNMWUN 23
OWA IYAYI
OWA iyayi nọ gbae ọre owa-mwẹn khin. Rhunmwunda, ke
1914 ni ya yayi gha de, ọwie kevbe ota a ya nerhunmwun vb'
owa-mwẹn ẹdẹ-gbegbe kevbe ugbugbẹhia.
Erhunmwun a ya kie owa-mwẹn nọ r' Uselu ni na si larọ vbe
March 1926 vba bọe fo. K' ẹghẹ ni gha de, owie kevbe ota' a ghi
kp' egọgọ gb' ebu si koko a ghi s' ihuan, a ghi tie 'Bible' nọhuan-
rẹn a ke nerhunmwun; a ghi ka nerhunmwun n' otọ Agbọn na
hia nẹ evbo ẹmwan nifua kevbe nekhui --Ọba k' ekhaẹmwen;
ikpia kevbe ikhuo; ediọn kevbe ibie; ukọ-isuẹvbo kevbe ohẹn-
osa; ọgbugbo kevbe ọduẹki; emaẹmwan-emwin kevbe ivbi-
esuku; ọse kevbe ẹdogbo; ẹgbẹe n' oberha kevbe obiye; uniẹn
kevbe ukhuara; erhuaẹn, emwan na rẹnrẹn ke na ma rẹn hia;
ẹtẹn n ikpia kevbe ikhuo; iwu kevbe eyẹe ni r' owa kevbe ni r'
isi; emọ kevbe amwẹn debae igiọwa hia.
'Mẹ, ọvbokhanmwẹn kevbe ivbimwẹn, 'Ma gu erhunmwun
na na gbe. Ọvbokhamwẹn n' ima gba si la ọwa na (Okhuọba
Hanah, Ọmọzuwa Egharevba), ke ghi r' ọkhuo esiẹsi kevbe iyayi
esiẹsi l' ede Agbọn ọnrẹn hia fo.
Emọ ma gbe vb' owa. Zẹẹ vbe na gele yae bu ere wẹ, ọmọ
ọre owa. Eguọmwandia kevbe iyegbekọ, etẹn kevbe ẹgbẹẹ gha
rie, ẹmọ ye tota kpẹkpẹkpẹ. Iran ghi sikan mu erha kevbe iye iran
malomalo. Iran i y' ehe rọkpa hiehie. Rhunmwund' ọni, ọmọ
s' efe kevbe ovbiye.
Ivbimwẹn rhie uyi kevbe ọghọ n' egbe gbugbehia. Iran digue
tue egbe elavbatuẹ owiowiẹ ọsẹgbọsẹgbe. N' osa g' imẹ vb'
ibiekamwen y' ofure kevbe egberhanmwẹn yin owa-mwẹn nọ
vbe gha r' owa iyayi khian rhin-rin-ri--isẹ.
Emọ n' osa ya wẹmwẹn ena khin: Victoria Ikpọnmwosa,
68
Comfort Ọghomwẹnsemwẹn. Eunice Itohan, Joseph Osarogia-
gbon, Jane Osarẹnkhọe, David 'Sọnarae, Clara Ọsẹmmọyẹnmwẹn
Deborah Enina, Taiwo Osaman, Kenhide Ọmọsọvbiye, Adupe
Egberanmwẹn kevbe ni kẹre Eyẹe ena vbe khin: ivbie Victoria
Ikpọnmwosa: Dele Onaiwu, Sunday kevbe Kolawole. Ivbie
Comfort Ọghomwẹnsẹmwẹn: Lucy, Odemwingie, Isokẹn
kevbe Osasuyi. Ivbie Eunice Itohan: Osarọbo, Nọsakhare, kevbe
Ewemade. Ivbie Joseph Osarogiagbọn: Osariemẹn, Aimuanm-
wosa, Ọmọnirowa kevbe Monday. Ivbie Jane Osarenkhoe.
Fatayi Iguẹ Memunatu kevbe Ibrahim Egiebọ; Ovbie Clara:
Leo. N' osa gbaro gh' iran hia fẹfẹfẹ Isẹ.
69
