UHUNMWUN 20
ẸSE KEVBE IRUEMWIN-ẸSE
ẸSE kevbe iruemwin-ẹse ọ gba khian: itohan ke ghi debae
iran. Ẹse esi na ru mwẹn ekpọnmwẹn kevbe utianmwẹn.
Iruemwin-sẹ mwẹn uyi kevbe urhomwẹn. Itohan vbe mwẹn
afiangbe. Ehia na ke ghi gba vb' egbemwẹn.
Ze vb' ọmwan iyayi kevbe ekhọe nọ fure, gbugbehia i ya
gha tue iran n' egbe ma rhan vb' owa kevbe Hospital. I ghi vbe
y' emwin n' iran. Eriọ ivbe rhie igho, ukpon kevbe evbare n'
ivbiogue ke nimwẹn. Eriọ i vbe gha viọ iran nẹ i mwẹn owa;
ikpia kevbe ikhuo y owa-mwẹn, i vbe gha gbaro gh' iran. Vb'
igiẹmwin , i rhie Okhiaro kevbe (ovbiere n' okpia: 'Osarọbo')
y' owa ke 1930 do se 1931. I viọ ivbie Ọmọrọdiọn (Otẹn iyẹmwẹn)
avbe: Evbayemwẹnru, Ehimatie, Uzebu, Ọmọrenuwa kevbe
iye iran y' owa vbe 1930 do se 1932. I rhie Iyoha Aguebọ; iyee
(Emọkpọlọ), amwẹn ọnrẹn (Ogbohu) kevbe otẹn ọnrẹn (Samson)
y' owa ke April 1931 kpao do se August 1941. I rhie Isẹrhiẹn-
rhiẹn Uwagbọe y' owa gha koko ke 1936 do se 1937 vbo rue
emasini na ya dọlọ ukpọn. I rhie Edede Ebu y' owa ke 1936 do
se 1943. 'Oni' ovbie Edowaye (otẹn iyemwẹn), i rhiere y' owa
vbe 1939 do se 1952. I rhie Aikpitanyi y' owa ke January 1953
do se April 1964. I rhie uselu Ighọmọ y' owa ke 1953 do s' ẹdẹ
n'ẹrẹ. I rhie Mọdina Ibrahim Elahọ kẹe k' iyee (Sefi Fayemi) y'
owa ke May 1959 do s' ẹdẹ n' ẹre.
Ọriọvbe ughughan nibun ni gbera yo, gbera re,--avbe:
Hausa, Iyoroba, Igbo, Urhobo, Isekiri kevbe ni kẹre ni dia owa-
mwẹn ya gbugbehia, i ghi gbaro gh' iran mu ọghọ y' iran egbe
ẹsẹsẹmwẹnse. Eriọ i vbe muọghọ y' iran ni do gha tuọmwẹn
ẹghẹ k'ẹghẹ.
Ọbọmwẹn kevbe "Printing Press" ọghomwẹn ọre iran na na
61
rue iwina "Printing" guẹ. Iran ọre: Johnn Ọmọregie Ọbazee ke
1935 do se 1936, Aliu Aguebọ ke 1937 do se 1938, Timothy
Ajayi ke 1945 do se 1946 kevbe ni kẹre.
Ẹghẹ k' ẹghẹ ra, gbugbehia ọre i ya rhie iyobọ igho n' emwan
eso ni b' owa ọgbọn na dia, esọsi kevbe esuku ọghe ọgbọn na
mu gbọ n iran kpọrhu ẹre s' ehe ni ye.
62
