UHUNMWUN 17
ORHIỌN IZUA
ỌMWAN orhiọn izun kpataki ọre i khin rhunmwunda, ukpo
ọdiọn a rhiemwẹn yi vb' otu ra, iko k' iko ni rhirhi lao ra, ebu
k' ebu ra, ehe k' ehe ni rhirhi sẹ: a ghi vbe rhiemwẹn gbera
emwan nibun ni do vba vb' evba. I ru emwin eghẹrẹ ra ate-ru;
emwin k' emwin ni rhirhi ru, i ghi ruẹe s' otọ hẹn-nẹdẹn. Emwin
k' emwin ni rhirhi s' obọ mu, ọ ghi gha ma ẹsẹsẹmwẹnse.
Ọrhiọn izua odiọn kevbe atọnmu nọkhua ọkpa ni ore ọ sum-
wẹn na na y' ẹmwẹn iha rhiemwẹn y' olotu ibieka vbe 1901.
Vbi ma zẹdẹ lele iran y' iha hiehie. Otu ni ke khian rhin-rin-rin,
ọ ke d'obọ yi. A ke weriegbe suẹn ọnrẹn vb' ore Ẹdo vbe 1940
do se 1953. 'Me, iran ye vbe rhie y' olotu rhunmwunda, iran
wẹ, iran i fiẹweriẹ ọvbehe kevbe wẹ uhunmwun-mwẹn ma
iran. Iran mwẹn emọ kevbe amwẹn; iran mwẹn owa kevbe odẹ;
iran mwẹn ugbo kevbe ogo , iran mwẹn imọto kevbe egedege.
Ọna i re vbekpae etin ra ẹwaẹn, sokpan vbekpae ọrhiọn izua
ọdiọn kevbe atọnmu nọkhua n' Osanobua ya yi-mwẹn nọ.
Emwin hia r' obọ Osa, ẹhi kevbe uhunmwun na mu re. Vbe
n' Osa w' emwin gha ye, eriọ ye.
54
