UHUNMWUN 6
IWINA ISI-EVBO
WARRI ighi gha rie vbe iz'obọ vbe iwina akowe igho-amẹ.
"Testimonial" na arowamwẹn (Black Shaw) rie mẹ kevbe na rhie
mẹ vb' esuku (St Matthew), i te la iwina vbe Warri, i y' iran gualọ
iwina kpẹ kherhe, i te do y' iran miẹn iwina. Hospital (Owọk-
họnmwọn) vbe Warri i na ka y' iran gualọ iwina rhunmmda,
evba kakabọ wa gha yẹmwẹn na na wina. Ọbo Dr. Connet (SMO)
nọ kha yaẹn nene wọkhọnmwọn vbiyeke vbo danmwẹn-
mwẹn ke ghi gbẹn ebemwẹn gha rie Eko wẹ, ewaniẹn gha k'
odọ re nẹ, i do suẹn. Vbiyeke ọni, i na gha rie P.W.D. Ebiwina
(Application) ni gbẹn gha khian, Nọwanrẹn Broom (Assistant
Engineer) ghi ghẹre, ọ na kakabọ kpa-ọre odin kha wẹrẹ, ẹi
r'imẹ ọ gbọn-ẹn. Ọ na rhunmwund' ọni wẹ na rhie ebe mẹn ni
ya weriegbe gbẹn ovbebe vb' evba. I ghi gbẹn ovbehe ladian,
uhiẹn, ni kieke gbẹn, ọ ghi ma sẹ ni ka gha gbẹn. Vb' ọwarokpa
ni, ọ na wa rhiemwẹn. I wina iwina na l' uki ehan kẹkan. i ke z'
obọ vbọ rhunmwunda, i ma setin zin egbe khẹ ukpo na wẹ a
gha rhie mẹ (Chief Road Overseer).
I ghi ke P.W.D. kpao vbe Warri, i na lele Nọwanrẹn S.M.
Udo gha rie otọ Igbo vbe Port Harcourt vbe May 1918. Vbi sẹ
Port Harcourt, P.W.D. i na ye vbe miẹn iwina sokpan, iwina ni
miẹn ni ma ye vbe yẹmwẹn. Nana rhie Nọwanrẹn Udo kpao
gha rie Ọkigue nọ ya gha wina vb' odọ, vbi'yeke vbi ghi z' obọ
i ' iwina vbe port Harcourt 'vba, ọ na gbẹn ebe gie na tiemwẹn
vo
ni bu irẹn gha de. I ghi s' evba, ọ na rhiemwẹn y' iwina vb' ototọ
Ẹwẹdọ (Prison Department). O gbaro ghemwẹn, 'sesemwense.
Evba i ghi ke kpao vb' ukpo 1921 gba die Ẹdo.
I ma ghi weriegbe kpao gha rie otọ igbo vbi s' Ẹdo rhunm-
wunda, emwanmwẹn ma ghi kue ni kpao hiehie. Ibiba, Uwangue
15
n' Igiehọn kevbe Oviẹnriọba Agbelehi. Vb' uwuẹre ni, ọre i na
gbẹn ebe ya nọ iwina vb' ototọ Administration ọghe Ẹdo sokpan,
Edaikẹn Ẹdọkparọgbuyunmwun ke ghi khamamwẹn ni ghẹ
wina rhunmwunda, vb' ẹghẹ ni, ukpokpo ke ghi bun gbe 'vba.
Ugbẹn vbi ghi gualọ iwina bakun vb' Ẹdo rhunmwunda n'
iwina nai ro, i ke ghi rhunmwund' ọni kpao gha rie Sapele
kevbe Warri ya gualọ iwina lao. Vbi se Warri, iran ke ghi vbe
weriegbe yan w' iran gha tiemwẹn do wina vb' iwina gha ladian.
Ọre i na kpao weriegbe gha die Sapele. I ghi si Sapele, i na gbẹn
ebe gha rie Owọkhọnmwọn (hospital); ebo n' ọsemwẹn ọkpa r'
evba, Ọbo Macline; 'ma gba wina vb' Ọkigue. Ọni ke ghi
gbẹn ebemwẹn gha rie Eko, ọ na wẹ, iwina gha re, i do suẹn
ghẹ mwẹn n' iran ghẹ rhiemwẹn.
16
