UHUNMWUN 5
IRUẸMWIN
UGBEN vbi ghi vbe họn hun-hun-hun gh' iran de do rhiem-
wẹn vb' Eghute Ẹbue, i na ghi k' evba kpao gha rie Akurẹ. I ghi
s' Akurẹ vb' ọwarọkpa ni, ke ghi weriegbe suẹn iruẹmwin vbe
St Davis C.M.S. School. A te rhiemwẹn, iran danmwẹnmwẹn
vb' uhunmwun ebe ọkpa, i gbera, vb' uhunmwun ebe eva, i
gbera, vb' uhunmwun ebe eha, i gbera, iran na rhrmmwund'ẹ
ọni sẹmwẹn rae y' uhunmwun ebe eha ni wẹ, ọ gha s'uki enẹ,
a ke rhiemwẹn gbera gha rie uhunmwun ebe enẹ. Ugbẹn-so,
i vbe gha gu uhunmwun ebe isẹn ru emwi. Ọ ghi kpẹ fua
kherhe vb' iran miẹn vbe ni rẹnmwin hẹ, iran ke gha z' iro n'
iran rhiemwẹn gha rie. "St Ẹndrews College" vb' Ọyọ. Sokpan,
emwan-mwẹn ke ghi he, iran ma kue rhunmwunda, iran ke
gha ro wẹ, u gha ghe, iran gha sọmwẹn iwu Iyoroba (Yoruba)
rhunmwunda, a wua ọni vb' Ẹdo. Ọmwan nọ mwẹn iwu evbo
ọvbehe vb' ẹgbẹ-nẹde, ẹi rie egie vb' Ẹdo. Ọni ọ zẹ ni ma na
ghi yo. Ọka ọmaemwanmwin (Head Master) nọ r' evba vb'
ẹghẹ ni ke ghi re : Ohẹn Adejumọ. Peter Adelan ke ghi re ọkpa
vb' usun emaemwanmwin ima. I ghi gbe s' ukpo e'vba, i na
weriegbe gha die Ẹdo. I te kpao vb' ore Akurẹ re, uhiẹn ọmaem-
wanmwin Nọwanrẹn Adelan ma te kue ni gha de. Emwin nọ
zẹ ke gha re wẹ, ọ gha kẹ, i khian weriegbe y' esuku: deghe ti
kpao. C.M.S. ọre i vbe yo vb' Ibadan. I rhie ọtẹnmwẹn E. G.
Egharevba y'esuku vb' Ẹdo vbe 1914.
Vbiyeke ugbẹn vbi s' Ẹdo vbobọvbobọ, i na suẹn esuku gha
yo. C.M.S. vbe St Matthew, i vbe gha yo. Uhunmwun ebe
isẹn ọre i na suẹn vb' iran dunmwẹnmwẹn. Mr J. C. Babar ọ
gha r' ọka emaemwanmvin vb' ẹghẹ ni. Ohẹn E. E. Ohuọba
ke gha r' ototọre.
13
Vb' uwu ẹghẹ ni ina gha y' esuku vb' Ẹdo vbe 1915, i ke gha
gu arowa ọkpa na tiẹre 'Black Shaw' (Asst. Engineer) vbe P.W.D.
Okpia na ke wa kakabọ gha hoẹmwẹnmwẹn ẹsẹsẹmwẹnse y'
obọ esi mumwẹn. I gha k' esuku re, ọ ghi ghemwẹn ebe hia
fẹfẹfẹ: ehe nọ sẹ, ehe nọ rhanmwẹn. Ẹdọkpa ghi re, i na gha
gbẹn ebe "Home Work Composition" na wẹ n' ima k' owa ru
re. Arọwamwẹn ghi s' ehe ni na gha ruẹ vbi gbọn-ẹn, vbiyeke
vbọ miẹnmwẹn-re ghe, ọ ke ghi y'ọre ẹsẹsẹmwẹnse. Ọ ke ghi
kha vbenia wẹ: Jacob will make a good writer in future; Jacob
is very keen; very faithful and truthful. Ọre ọ na rhie nene ebe,
o na dọlọẹ yi, ọ na s' ọre rua, ọ na wẹ ni weriegbe gbẹn ọvbehe.
I ghi weriegbe gbẹn ọvbehe, ọ ke wa vbe gha ye riọ zee. Ore
ọna wẹ: That's all right, that's all right. Vberiọ ọ ya gha mamwen
emwin khian vb' uhunmwun ebe isẹn kevbe ehan. Nọwanrẹn
J. C. Babar kevbe Ohẹn E. E. Ohuoba kakabọ wa gha hoẹmwe-
nmwẹn ẹsẹsẹmwẹme rhunmwunda ọ ni' na mu aro y' ebemwen.
Igbava ọre a y' ebe mẹ rhunmwund' irẹnmwin. A mu Bible mẹ
vb ọkpa vbekpae Bible ni rẹnrẹn, a na vbe mu Pilgrim's Progress
mẹ vbe nọkpa vbekpae itan kevbe igbenbe (Composition) ni
rẹnrẹn. Ukpo 1916, ọre i ladian vb' esuku. Nọwanrẹn J. C. Babar
ke ghi rhie testimonial mẹ.
14
