After Jesus was baptized, the holy spirit led him into the wilderness.
Vbe Jesu ghi dinmwiamẹ nẹ, orhiọn nọhuanrẹn keghi su ẹre gha rrie uwu ato.
He did not eat anything for 40 days, and he got very hungry.
Vbe ọ ghi gbe ikpẹdẹ 40 nẹ vbe evba, vbene ọ ma na ya emwi rhọkpa kan unu, ohanmwẹ na gha gbe ẹre.
Then the Devil came to tempt Jesus and said to him:
Esu keghi rre do danmwẹ Jesu, vbene ọ na kha wẹẹ:
‘If you are really God’s Son, tell these stones to become loaves of bread.’
‘Adeghẹ Ovbi Osanobua ẹre u gele khin, tama avbe okuta na, ne iran khian ebrẹdi.’
But Jesus answered by quoting the Scriptures:
Sokpan Jesu keghi ya Evbagbẹn Nọhuanrẹn rhie ewanniẹn nẹ wẹẹ:
‘It is written that you need more than food to live.
‘A gbẹn ọnrẹn yotọ nẹ wẹẹ, ẹi re evbare ọkpa ẹre ọ khian ya ọmwa gha rrọọ.
You need to listen to every word that Jehovah says.’
Te u gha danmwehọ ẹmwẹ hia ne Jehova rhirhi ta.’
Next, the Devil challenged Jesus:
Vbe iyeke ọni, Esu keghi si Jesu evẹn, ọ na tama rẹn wẹẹ:
‘If you are really God’s Son, jump off the highest point of the temple.
‘Adeghẹ Ovbi Osanobua ẹre u gele khin, ke uhunmwu eke nọ yo sẹ vbe ọgua Osa san tuorre.
It is written that God will send his angels to catch you.’
A gbẹn ọnrẹn yotọ nẹ wẹẹ, Osanobua gha gie avbe odibo ọghẹe ne iran da obọ rra ruẹ.’
But Jesus again quoted the Scriptures:
Sokpan Jesu na vbe ya Evbagbẹn Nọhuanrẹn rhie ewanniẹn nẹ wẹẹ:
‘It is written that you should not put Jehovah to the test.’
‘A gbẹn ọnrẹn yotọ nẹ, ne ọmwa rhọkpa ghẹ mu e Jehova ye edanmwẹ.’
Then, Satan showed Jesus all the kingdoms of the world and their riches and glory and said:
Vbe iyeke ọni, Setan keghi ma Jesu arriọba ọghe uhunmwu otagbọn hia, ke ẹfe kevbe uyi ni lelẹe khian, ọ na tama rẹn wẹẹ:
‘I will give you all of these kingdoms and their glory if you worship me just once.’
‘Adeghẹ u na ya uhunmwu rhanmwẹ otọ mẹ uhukpa, I gha mu ena hia nuẹ.’
But Jesus answered:
Sokpan Jesu keghi wanniẹn ọnrẹn wẹẹ:
‘Go away, Satan!
‘Ladian mwa, Setan!
It is written that you should worship only Jehovah.’
A gbẹn ọnrẹn yotọ nẹ wẹẹ, e Jehova ọkpa ẹre ọ khẹke na ga.’
Then the Devil went away, and angels came and gave Jesus food to eat.
Esu na ghi kpa, ẹre avbe odibosa na viọ evbare gie Jesu nọ re.
From then on, Jesus preached the good news of the Kingdom. It was the work that he was sent to earth to do.
Ke ẹghẹ nii kpa, e Jesu na gha kporhu iyẹn nọ maan ọghe Arriọba Osanobua, rhunmwuda wẹẹ, iwinna na ẹre Osanobua wẹẹ nọ do ru vbe agbọn.
People loved what Jesus taught them, and they followed him everywhere he went.
Te emwa wa hoẹmwẹ emwi ne Jesu ghaa maa iran re, ọni ẹre ọ si ẹre ne iran na gha vẹ lelẹe khian.
“When [the Devil] speaks the lie, he speaks according to his own disposition, because he is a liar and the father of the lie.”—John 8:44
“[Esu] gha ta ohoghe, emwi nọ gua re obọ ro ẹre ọ ru nii, rhunmwuda ọmwa ohoghe kevbe erha ohoghe ẹre nọ.”—Jọn 8:44, NW
What were the three temptations?
De edanmwẹ eha ne Jesu la gberra?
How did Jesus answer the Devil?
De ewanniẹn ne Jesu rhie ne Esu?