Jehovah planted a garden in a place called Eden.
E Jehova keghi ruẹ ne ogba gha rre eke ọkpa na tie ẹre Idẹni.
The garden was full of flowers, trees, and animals.
Avbe obobo, erhan kevbe aranmwẹ kegha rre ogba nii.
Then God made the first man, Adam, out of dust and blew into his nostrils.
Osanobua keghi loo ekẹn ya ma okpia nokaro nọ re Adam, ọ na vbe hiọnrọn ye ọre ihue.
Do you know what happened?
U rẹn emwi nọ ghi sunu ra?
The man became a living person!
Okpia nii na do gha rrọọ!
Jehovah put Adam in charge of the garden, and God told him to give names to all the animals.
E Jehova na tama Adam nọ gha gbaroghe ogba nii, ọ na wẹẹ ne Adam vbe mu eni ne aranmwẹ hia.
Jehovah gave Adam an important rule.
E Jehova keghi gbe uhi ne Adam.
He told Adam:
Ọ na tama Adam wẹẹ:
‘You can eat fruit from all the trees except for one special tree.
‘Gha rri avbe ọmọ erhan hia vbe ogba na, sokpan ghẹ rri ọkpa kẹkan vbọ.
If you eat fruit from that tree, you will die.’
Adeghẹ u na rri ọre, u gha wu.’
Later Jehovah said:
Vbọ ghi zẹ kpẹẹ, e Jehova na kha wẹẹ:
‘I am going to make a helper for Adam.’
‘I gha yi ọyobọ ne Adam.’
He made Adam fall into a deep sleep, and then God used one of Adam’s ribs to create a wife for Adam.
Osanobua keghi bọ re ye ovbe nọ dinmwi, iyeke ọni, ọ na rhie ọkpa vbe ifẹnmwẹ aguẹ ọghe Adam, ẹre ọ na yae yi okhuo nẹẹn.
Her name was Eve.
Eni okhuo na ọre Ivi.
Adam and Eve became the first family.
Adam vbe Ivi na do gha re ẹgbẹe nokaro.
How did Adam feel about his new wife?
Vbọ ghaa ye Adam hẹ vbe ọ bẹghe ọvbokhan rẹn?
Adam was so happy that he said:
Adam na gha ghọghọ. Vbene Adam ghi ghọghọ sẹ, ọ na kha wẹẹ:
‘Look at what Jehovah made from my rib!
‘Ọmwa ne Jehova loo ifẹnmwẹ aguẹ mwẹ ya yi wa na khin na!
At last! This is someone like me.’
A ghi he vbe miẹn ọmwa ne ima gba re ọkpa!’
Jehovah told Adam and Eve to have children and fill the earth.
E Jehova keghi tama Adam vbe Ivi ne iran biẹlẹ vuọn agbọn na.
He wanted them to enjoy working together to make the whole earth a paradise, or beautiful park, just like the garden of Eden.
Ọ na wẹẹ ne iran ru ẹre ne uhunmwu otagbọn hia khian e paradais vbene ogba ọghe Idẹni ghaa ye.
But things did not work out that way.
Sokpan ọ ma ghi sunu vberriọ.
We will learn more in the next chapter.
Ma gha ziro yan ọni vbe uhunmwuta nọ lelẹe.
“The one who created them from the beginning made them male and female.”—Matthew 19:4
“Vbe omuhẹn, Ayi ne ọ yi ọmwa yi iran ọdọ vbe amwẹ.”—Matiu 19:4
What work did Jehovah give to Adam?
De iwinna ne Jehova mu ne Adam?
What would happen to Adam and Eve if they ate from the tree that God said they should not eat from?
De emwi nọ khian sunu daa Adam vbe Ivi deghẹ iran na rri ọmọ erhan ne Osanobua wẹẹ ne iran ghẹ re?