UHUNMWUN 19
ỌSE
ỌSE nibun ọre i mwẹn vb' otọ agbọn: emwan nifua kevbe
nekhui. Avbe ọsemwẹn ni r' ẹvbo-ebo (Europe) kevbe Amerika
(America) ma ẹsẹsẹmwẹnse. Sokpan, ibozẹghẹ ọre a miẹn ze
vb' ọsemwẹn n' emwan nekhui; ọse emwanta i r' uwu iran
hiehie. "A gha rẹrẹ egbe, ai gui" ehia khin.
Ukpo-emianmwẹn ni ye k' ẹghẹ gha de gele rie ma ghi, i
mwẹn ọse ẹmwanta vb' emwan nekhui rhunmwunda, a ma miẹn
ọmwan rọkpa vb' uwu iran nọ rie ehe ni ye hiehie vbe n' avbe
ọsemwẹn nifua re do gha tuomwẹn gbugbehia.
Vb' ẹghẹ ọkpa vb' uki May vbe 1933, ọsẹmwẹn ọkpa (Alufa
Balogun Adeoye) ke do tuọmwẹn vb' owa. Ọ ghi ghẹmwẹn yo,
ghemwẹn re, ọ na khamamwẹn wẹ, ọsẹmwẹn ọkpa rọ nọ z' iro
ọfuan, akuọkan kevbe adeghiyeke-dan ghemwẹn gbugbehia. Ọ we
sọkpan, ẹi khian sẹtin rhunmwunda, ọ wẹ, emwin ọkpa i rọ nọ
gha ruẹe ra, nọ gha dae yi nai khian na họn eni mwẹn l otọ
agbọn na hia. Ọ ke ghi bumwẹn ude ni ghẹ fian afianma rhunm-
wunda, ai gb' ogba khe eni vb' odẹ--ẹrio Osunobua ru emwin-
mwẹn hia fẹfẹfẹ ni rhirhi gha ru ra, ni gha rhie obọ yi levbasevba,
iro dan n' ọmwan ni mwanmwan damwẹn, Osanobua i gieẹ
sẹ ọ ghi yaẹe knin ọma.
60
